Импульсті әсері бар квазисызықты интегро-дифференциалдық жүйелер үшін шекаралық басқару есептерін зерттеу күрделі динамикалық процестерді модельдеуде қолданатын қазіргі математиканың өзекті саласы болып табылады. Импульстік әсері бар квазисызықты интегро-дифференциалдық теңдеулердің басқарылымдылығын зерттеудің негізгі мақсаты жүйе басқарылатын жағдайлардың шарттарын анықтау, қалаған траекторяларды жүзеге асыру үшін басқарылатын әрекеттерін құруға мүмкіндік беретін алгоритмдерді әзірлеу және шешімдердің орнықтылығын зерттеу болып табылады. Бұл мақала импульсті әсері бар интегро-дифференциалдық теңдеулер квазисызықты жүйесі үшін шекаралық есептің басқарылуының кейбір шарттарын зерттейді. Импульсті әсер алдын ала белгіленген уақытта емес, жүйенің күйімен анықталған уақытта болатын процестер зерттелді. Мақалада импульстік әсері бар квазисызықты интегро-дифференциалдық теңдеулердің басқарылуының кейбір шарттары леммалар түрінде дәлелденіп, басқару есебінің шешілуінің анықтамасы берілген.