Зерттеу жұмысында локалды және байланысқан шекаралық шарттары бар екі буынды жылулық графтағы стационарлық және стационарлық емес шеттік есептер зерттеледі. Әртүрлі жылу параметрлері бар және бір түйіндік нүктемен байланысқан екі тізбекті өзекшеден тұратын сызықтық граф қарастырылады. Жалпыланған функциялар әдісі мен уақыт бойынша Фурье түрлендіруі негізінде екі буынды жылулық графтағы шеттік есептерді шешудің бірегей әдістемесі жасалды. Дирихле және Нейман–Дирихле есептері үшін шешуші теңдеулер жүйесі құрылып, шешімдердің аналитикалық интегралдық өрнектері алынды. Температураның таралуы мен тербеліс жиілігінің графтың жылулық күйіне әсерін зерттеу бойынша сандық эксперименттер жүргізілді. Алынған нәтижелер құрылыс, машина жасау және жылу желілерінде қолданылатын көп буынды өзекшенің конструкциялардағы жылу процестерін модельдеуде пайдаланылуы мүмкін.