Бұл мақалада изотермдік көпкомпонентті газ қоспаларында тұтқырлықтың диффузиялық процестің араласуына әсері тәжірибелік зерттелінді. 0,4300 C3H8 + 0,5700 He - 0,4300 C3H8 + 0,5700 CH4 және 0,4300 С3Н8 + 0,5700 Не - 0,4200 C3H8 + 0,5800 Ne газ жүйелері үшін әртүрлі қысым жағдайындағы компоненттердің парциалды шығын мөлшерін есептеу нәтижелері келтірілді. Диффузияланған компоненттер мөлшерінің (парциалды шығындар) осы бастапқы құрамның қысымына тәуелділігі зерттелінді. Содан кейін бірдей уақыт аралықтарында әртүрлі тұтқырлығы бар жүйелер үшін массатасымалының сипаттамалары салыстырылды. Жүргізілген зерттеулер араласу процесінің сипатының сапалық өзгеруін көрсетті. Қоспаның тұтқырлығының жоғарылауы бір жағдайда қысымның жоғарылауымен, ал екінші жағдайда процестің өту уақытының жоғарылауымен диффузиялық процестің орнығуына алып келді. Алынған нәтижелерді талдау газдардың араласу процесінің диффузиялық орнықсыздығының сипатына тұтқырлықтың әсер ететіндігін көрсетті.