Жобалап оқыту (ары қарай PBL-Project Based Learning) – әртүрлі оқу пәндерін біріктіретін жобаны орындау арқылы оқушылардың сыни ойлауын, мәселені шешуді, ынтымақтастықты және коммуникация дағдыларын дамытуға ерекше мән беретін білім беру тәсілі. PBL әдісі оқушыларды күрделі мәселені зерттеу үшін бірлесіп жұмыс істеуге негізделген тәжірибе арқылы практикалық оқу үдерісіне алып келеді және оның нәтижесінде белгілі бір өнімге немесе шешімге қол жеткізіледі. Оқушы осы әдіс арқылы жобаны жоспарлауға, зерттеуге және таныстыру процестеріне ынтасы артады. PBL әдісі оқушылардың оқу жетістіктерін, сондай-ақ олардың оқуға деген ынтасын және қызығушылығын жақсартатыны анықталды. PBL сыни тұрғыдан ойлау, мәселелерді шешу, шығармашылық және ынтымақтастық сияқты жұмыс берушілер жоғары бағалайтын дағдыларды дамыту арқылы оқушыларды 21-ші ғасырдағы жұмыс орнында табысқа дайындайтын құнды білім беру тәсілі болып табылады.