Мақалада музыкадағы әл-Фараби бойынша математикалық негіздері туралы түсінік беріліп, музыкалық
интервалдарды алу үшін қатынастармен орындалатын арифметикалық амалдардың Фараби бойынша тәсілдері
ұсынылды. Фараби музыка өнерін білу үшін математикадан алынған біршама бастамаларға назар аударған.
Бұл мақалада оның сандық қатынастар жағынан қажет болған үш нарсені көрсетуі бойынша кең мағлұмат
беріледі. Музыкалық интервалдар әртүрлі мәнге ие. Оларды бөлуге, көбейтуге және қосуға болады. Музыка
теориясында белгілі сандық қатынастармен, сонымен қатар ол қатынастарды қосу мен азайту амалдарымен
жұмыс жасауда математикалық негіздерімен таныс болу керек. Фараби дыбыстардың арақашықтық қасиеттері
туралы ғылыми түсінік беріп қана қоймай, үйлесімділік пен музыкалық әуендердің пайда болуының
математикалық негіздерін ашады.