Мақалада DataMining технологиясын қолдана отырып, деректерді өңдеудің ақпараттық жүйесін жобалау және әзірлеу ұсынылған. Деректерді өңдеуде DataMining әдістері: логистикалық регрессия, кездейсоқ орман, шешім ағаштары, тірек векторлары әдісі, жасанды нейронды желі қолданылды және нәтижелері салыстырыла талданып кестеге салынып көрсетілді. Әзірленген ақпараттық жүйе құрылымданған, құрылымданбаған және жартылай құрылымданған емделуші азаматтардың деректерін өңдеу арқылы медицина қызметкерлеріне емделуші азаматтардың денсаулығына қатысты нақты болжам жасауға мүмкіндік береді. Машиналық оқыту алгоритмдерін пайдаланылып жобаланған ақпараттық жүйе, бірнеше жекелеген деректерді негізге алып өңдеу жұмыстарын жүргізеді.Дерекқордан алдыңғы деректерді алып, оларды талдайды, әрі қарай өңдейді ал жақсы нәтиже көрсеткен алгоритм нәтижесін салыстырып, жақсы нәтиже көрсеткен алгоритм таңдалады. Деректерді өңдеуге арналған ақпараттық жүйе қолданушыларға нақты уақыт режимінде болжам нәтижелерін алуға мүмкіндік береді. Авторлар құрылған ақпараттық жүйені өндіріске енгізуді және әрі қарай зерттеу жұмыстарын жалғастыруды жоспарлап отыр. Деректерді өңдеуге арналған ақпараттық жүйені білім саласында білім алушылардың білім деңгейлеріне болжамдар жасауда қолдануға болады.