Мақалада болашақ информатика мұғалімдерін желілерді модельдеу негізінде компьютерлік желілерді оқыту туралы қарастырылады. Ғылыми-педагогикалық және оқу-әдістемелік әдебиеттерге талдау жүргізу нәтижесі көрсеткендей, информатика мұғалімдерін даярлауда компьютерлік желілермен олардың құрылымы ақпараттық модельдеу аспектісінде зерттеледі, сонымен қоса оқытуды ұйымдастыруда желінің жұмыс істеу процестерін модельдеуді қолдану мүмкіндіктеріне тиісті көңіл бөлінбейді. Көптеген оқу орындары компьютерлік желілерді нақты жабдықпен оқытуды ұйымдастыру кезінде техникалық және материалдық қиындықтарға тап болады. Болашақ информатика мұғалімдерін компьютерлік желілерді оқытудағы жоғарыда аталған қиындықтарды туындаған жағдайда желілік модельдеуді қолдану арқылы шешімін таба аламыз. Желіні модельдеу дегенімізжелінің негізгі компоненттерінің (желілік кабельдер, коммутаторлар, хабтар, маршрутизаторлар және т.б.) динамикалық кескінін көрсету және компьютер экранында оларды орнату және жұмыс істеу процестерін визуализациялау.