Мақалада оқушылардың ақпараттық-интеллектуалдық құзыреттілігін қалыптастыруға болашақ информатика мұғалімдерін даярлау мәселесі қарастырылады. Отандық және шетелдік зерттеушілердің еңбектеріндегі ақпараттық-интеллектуалдық құзыреттілікті қалыптастыруға байланысты зерттеулерге жасалған талдаулар нәтижелері келтірілген. Оқушылардың ақпараттық-интеллектуалдық құзыреттілігінің дамытушы құрауыштар анықталып, болашақ информатика мұғалімдерінің  ақпараттық-интеллектуалдық құзіреттілігін дамытудың моделі құрылды және осы модельдің негізінде «Жасанды интеллект технологиялары» пәнін оқыту бағдарламасы жасалды. Ұсынылған пәнді оқыту бағдарламасының тиімділігі тәжірибелі эксперимент жүзінде тексеріліп, оның нәтижесін өңдеуге статистикалық әдістер (Стьюдент критерийі) пайдаланылды. Алынған нәтижелер теориялық сипатқа ие және ұсынылып оқу бағдарламасының негізінде алынған болашақ информатика мұғалімдерінің  ақпараттық-интеллектуалдық құзіреттілігін дамытудың моделін «жасанды интеллект технологиялары» пәнін оқытуда пайдалануға болады. Бұл модель инновациялық оқыту әдістерін пайдалану арқылы болашақ информатика мұғалімдерінің ақпараттық-интеллектуалдық құзіреттіліктерін дамытуға ықпал етеді.