Сингулярлы коэффициенттері бар бірінші ретті дербес дифференциалдық теңдеулер жүйелеріне қойылған шекаралық есептерді зерттеу екі бағытта қарастырылады. Біреуінің коэффициенттерінде сингулярлық нүкте бар, ал екіншісінде сингулярлы сызықтар бар. Бұл жұмыста ақырсыз облыста берілген полярлық ерекше нүктесі бар Бельтрами теңдеуі үшін қойылған бастапқы-шекаралық есеп шешілген. Қарастырылған теңдеудің коэффициентерінің координаталар бас нүктесінде бірінші ретті полюстері бар және олар  класында жатпайды. Сондықтан И.Н.Векуаның аналитикалық аппаратымен қамтылмаған және жеке зерттеуді қажет етеді. Есептің шешімін табу үшін функционалдық анализ және комплекс айнымалыға байланысты функциялар теориясының әдістерімен ұштастыра жасалған Ә.Б.Түнғатаровтың зерттеу әдістемесі пайдаланылды. Нәтижесінде полярлық ерекшелігі бар Бельтрами теңдеуіне қойылған  бастапқы-шекаралық есептің шешімінің бар болу шарттары табылды және үзіліссіз шешімдері айқын түрде құрылды.