Жұмыстың мақсаты математикалық әдістерді қолдана отырып, жоғары оқу орындарында өзекті тәуекелдерді басқару. Еліміздің өңірлік жоғары оқу орындарына түсушілердің санының төмендеуі стратегиялық даму бағдарламасындағы басты тәуекелдердің бірі болып саналады. Бұл тәуекелге әсер етуі мүмкін жағдайлар анықталды және алынған мәліметтер негізінде регрессиялық талдау жүргізілді. Алынған нәтижелердің толықтығы үшін корреляциялық-регрессиялық әдіс қолданылды. Жоғары білімге қол жетімділіктің экономикалық, әлеуметтік, жеке және ақпараттық факторларының белгілері мен ерекшеліктері арқылы көрсеткіштердің бірыңғай жүйесі құрылды. Зерттеу нәтижесінде регрессия теңдеуі құрылды және тәуекел мөлшері есептелді, алынған модельдердің маңыздылығы бағаланды, сонымен қатар, модельдеу процесінде алынған нәтижелердің түсіндірмесі келтірілді. Зерттеудің теориялық және әдістемелік маңыздылығы корреляциялық-регрессиялық талдау мен экономикалық-математикалық модельдеуді қолдану мүмкіндігін негіздеу арқылы әдіснаманы жетілдіру болып табылады.