Бұл мақалада педагогика саласында қолданалытан жобалау іс-әрекетінің шетелдік және де отандық ғалымдардың еңбектері және де пайдалану әдістемесі негізінде оқытудың ерекшеліктері мен тиімді жақтары қарастырылған. Қазіргі қоғам орта мектеп түлектерін дайындауға жаңа талаптар қояды. «Естігенімді – ұмытамын, көргенімді – есте сақтаймын , өз істегенімді – меңгеремін»,- деп ежелгі Қытай ойшылы, философ Конфуций айтқандай, жобалау іс-әрекеті – оқушылардың жоспарлау және күрделене беретін тапсырмаларды өз бетінше орындау арқылы меңгеретін білімі. Балаларды өз жұмысының жемісін көруге ынталандыру арқылы үлкен өмірге дайындау қазіргі заманның өзектілігі. Инновациялардың дамуы жағдайында танымдық, білім беру, ғылыми-зерттеу және жобалау іс-әрекеті дағдылары бар, практикалық есептерді шешу әдістерін өз бетінше іздей алатын қабілет пен дайындық, әртүрлі таным әдістерін қолдану мүмкіндігі бар білім беру ұйымдарының түлектері сұранысқа ие.