Мақалада теңдеулерді және олардың жүйелерін шешуді GeoGebra компьютерлік бағдарламасының көмегімен оқытудың әдістемесі ұсынылған. Атап айтқанда, теңдеулердің немесе олардың жүйелерінің бір немесе бірнеше шешімдері болатын классикалық жағдайдағы ғана емес, сондай-ақ олардың шешімдері болмайтын жағдайдағы графиктік шешу әдістері көрсетілген. Теңдеулер мен олардың жүйелерінің шешімдерін нақты мысалдар келтіре отырып, көрнекі көрсету арқылы оқу материалының меңгерілу дәрежесінің жоғарылайтыны туралы айтуға болады. Сонымен қатар бұл сабақтың әртүрлі кезеңдерінде уақытты тиімді пайдалана отырып, оқу үдерісін оңтайландыруға; саралап оқытуды жүзеге асыруға; дербес компьютерлерді пайдаланып өздік жұмыстарды ұйымдастыруға; сабаққа ойын элементтерін енгізу арқылы оқушылардың көңіл-күйін көтеруге; олардың дүниетанымын кеңейтуге және танымдық белсенділігін арттыруға мүмкіндік береді.