Қалалық мобильділіктің артуы жағдайында жолаушыларды дәл есептеу міндеті көлік инфрақұрылымын жоспарлау үшін аса маңызды болып отыр. Бұл зерттеудің мақсаты – YOLOv8 үлгісі мен тереңдік камераларын пайдалана отырып, қалалық көлікте адамдарды автоматты түрде анықтау және санау жүйесін әзірлеу. Зерттеу аясында бейнемәліметтерді жинау және аннотациялау, үлгіні оқыту және оның тиімділігін бағалау міндеттері қойылды. Арнайы деректер жиынтығы құрылды (4 047 сурет, 8 918 объект), және модель F1 көрсеткіші 0.90 жеткенше оқытылды. Әртүрлі трекинг алгоритмдерімен бірқатар эксперименттер жүргізілді. Нәтижелер жүйенің жоғары дәлдігі мен нақты уақыт режимінде қолдануға жарамдылығын растады. Әзірленген шешім жолаушылар ағынын бақылауға, маршруттарды оңтайландыруға және қалалық көлікті басқару тиімділігін арттыруға пайдалануға болады.