Бұл жұмыста шектеулі кесіндіде параметрі бар интеграл-дифференциалдық теңдеулер жүйесі
қарастырылады. Интегралдық мүшенің өзегі азынған деп саналады және берілген интеграл-дифференциалдық
теңдеудің шешімін және параметрдің мәндерін табуға мүмкіндік беретін қосымша шарттар ретінде берілген
кесіндінің алғашқы және соңғы нүктелеріндегі шешім мәндері беріледі. Қарастырылып отырған шеттік есеп
Д.С. Джұмабаевтың параметрлеу әдісімен зерттеледі. Параметрлеу әдісіне сүйене отырып, қосымша
параметрлер енгізіледі. Ізделінді параметрдің бекітілген мәні бойынша азынған өзегі бар интегралдифференциалдық теңдеулер жүйесі үшін Коши арнайы есебінің шешілімділігі тағайындалады. Интегралдифференциалдық теңдеудің дифференциалдық бөлігінің іргелі матрицасын қолдана отырып және Коши
арнайы есебінің шешілімділігін ескере отырып, бастапқы шеттік есеп енгізілген қосымша параметрлерге
қатысты сызықтық алгебралық теңдеулер жүйесіне келтіріледі. Бұл жүйенің шешімінің болуы зерттелінді
есептің шешілімділігін қамтамасыз етеді. Сызықтық алгебралық теңдеулер жүйесін құру және шешуге
негізделген, бастапқы есептің шешімін табудың алгоритмі ұсынылған.