Математиканы оқу процесінде оның нәтижелерінің басқа пәндерде қолданылуын көрсету маңызды. Бірқатар
техникалық пәндерді оқып-үйрену кезінде, сонымен қатар қолданбалы есептерді шешуде оңтайлы басқару
теориясының белгілі бір аспектілерін қолдануға болады – бұл пәнаралық байланыстың мысалы. Әр түрлі
қолданылуларда, атап айтқанда, аналитикалық механикада дифференциалды ойындар теориясының кейбір
ережелерін, нақты айтқанда, бірнеше ойыншылардың коалициялық емес дифференциалды ойындарындағы
тепе-теңдік жағдайларының болу шарттарын қолдануға болады. Бұл мақалада аналитикалық механиканың
кейбір тұжырымдамалары мен принциптерін қолдана отырып, тепе-теңдік жағдайының болуы үшін қажетті
шарттарды зерттеу қарастырылған. Осылайша, Гамильтон бойынша әрекетті анықтай отырып, ГамильтонЯкоби теңдеулері түрінде қажетті шарттар алынды. N тұлғалардың дифференциалды ойындарындағы қажетті
жағдайлардың бұл формасы жаратылыстану және техникалық мамандықтарының студенттерін қызықтырады.
Мақаланың негізгі мақсаты – экономиканың әртүрлі салалары үшін болашақ инженерлерді даярлау
процесінің маңызды құрамдас бөлігі болып табылатын пәнаралық байланысты көрсету. Бұл әр түрлі саладағы
техникалық мамандықтардың студенттері қолдана алатындай етіп, материалды кешенді түрде меңгеру үшін
қажет. Ұсынылып отырған жұмысты университет студенттері де, жас ғалымдар да аналитикалық механиканың
осы саласын зерттеуге нұсқау ретінде пайдалануларына болады