Мақалада білім алушылар кәсіби бейімділігін қалыптастыруға арналған жасанды интеллект (ЖИ) негізіндегі ақпараттық жүйені әзірлеу және оңтайландыру қарастырылады. Еңбек нарығының динамикалық өзгеруі және дәстүрлі кәсіби бағдарлау әдістерінің кемшіліктері жағдайында ЖИ-ді қолданудың өзектілігі негізделеді. Жүйенің архитектурасы ұсынылған, оған зияткерлік чат-бот арқылы деректер жинау моделдері, NLP және кластерлеуді қолдана отырып нарық деректерін талдау, сондай-ақ білім алушылар профильдерін мамандық талаптарымен сәйкестендіру әдістері кіреді. ЖИ-дің негізгі технологиялары, атап айтқанда табиғи тілді өңдеу модельдері (BERT, GPT, Llama), адаптивті диалог алгоритмдері (шешім ағаштары, күшейту арқылы оқыту) және сәйкестендіру әдістері (косинус ұқсастығы, сиамдық желілер) егжей-тегжейлі сипатталған. Ұсыныстарды қалыптастырудың сәйкестік және нарық сұранысы критерийлерін біріктіретін механизміне ерекше назар аударылады.