Бұл мақалада көмірдегі күлді анықтаудың рентген флуоресценттік зерттеу (РФЗ) әдістерінің артықшылықтары туралы айтылады. Көмірді энергия көзі ретінде пайдаланған кезде, қоршаған ортаға зиян келтіреді. Көмір энергияның маңызды көзі болып саналатындықтан, көмірдің сапасы оның құрамындағы күлге тікелей байланысты яғни оның жанбайтын бөлігіндегі минералдар мен элементтерге байланысты. Көмір жанғаннан кейін S (күкірт), Ti (титан), Са (кальций), Fe (темір) сияқты кейбір элементтер қоршаған ортаға кері әсерін тигізуі мүмкін. Осы зерттеуде біз көмір құрамындағы жанбайтын минералдардан тұратын күлді РФЗ әдісімен қалай анықтауға болатындығын және сол арқылы көмірдің сапасын қалай алдын-ала болжап бағалауға болатындығын көрсеттік. Сонымен қатар, көлемі кішігірім, салмағы аз РФЗ-123 анализаторының көмегімен көмір күлін онлайн режимде қалай анықтауға болатындығын көрсеттік.