Мақалада кәсіпорындарды цифрландыру жобаларына инвестиция салуда шешім қабылдауды қолдау жүйесінің моделі ұсынылған. Модельдің негізі ретінде сызықтық емес дифференциалдық ойындар теориясы алынған, бұл инвесторлар арасындағы белгісіздік пен бәсекелестік жағдайындағы қарсы әрекет ету процесін формализациялауға мүмкіндік береді. Әзірленген тәсіл Рунге–Кутта әдісі арқылы сандық шешім қолдану арқылы қаржыландырудың ұтымды стратегияларын табуға жол ашады. Тұрақты және айнымалы параметрлері бар модельдер үшін есептеу эксперименттері жүргізілді. Нәтижелер ұсынылған модельдің кәсіпорындардың цифрлық трансформациясы саласында инвестициялық шешімдерді қолдау үшін тиімділігін растады.

Бұл мақалада көп факторды ескере отырып, кәсіпорынды цифрландыру саласындағы жобаларға тұрақты инвестициялар салу мүмкіндігі қарастырылады. Аталған мәселені шешуге бағытталған мақала ғылыми да, тәжірибелік тұрғыдан да өзекті болып табылады. Көпфакторлылықты ескере отырып, сызықтық емес дифференциалдық ойындар класы қарастырылды, бұл кәсіпорындарды цифрландыру жобаларындағы инвестициялық процесті дәл сипаттауға мүмкіндік берді. Бұл инвесторға инвестициялық стратегияларды талдап, ұтымды шешімдер қабылдауға жағдай жасайды.