Мақалада күрделі деректер құрылымдарына қатысты алгоритмдерді Python тілінде программалау жолдары
қарастырылған. Бұл құрылымдар мен оларға тиісті алгоритмдерді білу әртүрлі программалық жабдықтарды
құрудың тиімді жолдарын таңдау үшін қажет. «Алгоритмдер және деректер құрылымы» пәнін оқытуда
программалаудан бұрын құрылымдарды түсіну маңызды. Себебі, қарастырылып отырылған есепке сәйкес
құрылымдарды қолдану барысында осы құрылымдардың мағынасы мен алгоритмдерін жақсы түсіну керек.
Қазіргі уақытта кең қолданыс тауып келе жатқан Python тілінде стандартында құрылым ұғымы жоқ.
Мақалада бір жақты байланысқан динамикалық тізбектерге және екілік іздеу ағаштарына қатысты
алгоритмдерді Python тілінде программалау мысалдары көрсетілген. Графтарды тереңінен және көлденеңінен
қарастыру алгоритмдері Python тіліндегі сөздік арқылы тиімді әрі көрнекі түрде жүзеге асырылды.