Бұл мақалада авторлар қауіпсіздік саласындағы перспективалы бағыт – көпсенсорлық анықтау жүйелері мен жасанды интеллект (ЖИ) алгоритмдерін ұтқыр дронға қарсы кешендер құрамына біріктіруді кешенді түрде зерттейді. Осы зерттеудің мақсаты – ұшқышсыз ұшу аппараттарын (ҰША) көпсенсорлық анықтаудың заманауи технологияларына талдау жасау, сондай-ақ анықтау жүйелері мен жасанды интеллект алгоритмдерін біріктіретін ұтқыр дронға қарсы кешенді құру принциптерін әзірлеу. Дәлелденгендей, динамикалық жағдайда тиімді қарсы әрекет ету үшін жоғары автономиялылық пен реакция жылдамдығына ие ұтқыр кешен қажет. Радиолокациялық, оптоэлектрондық және радиожиілікті құралдарды біріктіретін көпсенсорлық жүйені құру принциптері қарастырылған, бұл мультимодальды деректерді біріктіру арқылы әрбір жеке сенсордың шектеулерін еңсеруге мүмкіндік береді. Жасанды интеллект алгоритмдерінің нысаналарды анықтау, жіктеу, деректерді біріктіру және нақты уақытта шешім қабылдауды қолдаудағы рөлі егжей-тегжейлі талданады. Сенсорлар мен жасанды интеллектті бірыңғай ұтқыр платформаға біріктіру архитектурасы ұсынылған, бұл күрделі пайдалану жағдайларына бейімделу мен төзімділікті қамтамасыз етеді. Жұмыс негізгі технологиялық трендтерді жинақтап, жаңа буын ұшқышсыз ұшу аппараттарына (ҰША) қарсы жоғары тиімді ұтқыр құралдарды құрудың тұтас көзқарасын қалыптастырады.