Бұл мақалада Dlib, OpenCV, MTCNN, FaceNet сияқты тұлғаны тануға арналған бағалау құралдары қарастырылған. Жұмыс барысында әр құралдың орындалу уақыты мен анықталу саны анықталды және есептелді. Тест нәтижелері бойынша біз екі жағдайды бөліп қарастырдық және олардың әрқайсысына ұсыныстар беруге тырыстық. Егер бейнеде тек бетті жылдам анықтау қарастырылса, бірінші жағдай іске қосылады. Егер бейнеде көбірек тұлғалар қаралса, екінші жағдай іске қосылады. Нәтижеге сүйенсек, бірінші жағдайда бізге Dlib құралын қолдану қажет болып шықты. Ал екінші жағдайда біз Facenet немесе Mtcnn сияқты құралдарды таңдай аламыз. Әр құралға салыстырмалы талдау жасалып, нәтижелері сәйкесінше анықталды. Осылайша, біз мақалада алынған мәліметтерге сәйкес біз үшін оңтайлы құралды таңдай алдық. Параллельді алгоритмді жазудың қарапайымдылығы үшін де таңдау жасалды. Құралды таңдаудың негіздемесі сонымен қатар машина ресурстарын пайдалану параметрлеріне сәйкес келтірілген, бұл машинаны қосымша және үлкен шығынсыз оңтайлы таңдауға мүмкіндік береді. Зерттеу барысында алынған нәтижелер графиктер, кестелер түрінде ұсынылған және осы мақаланың соңғы бөлімінде жазылған.