Мақалада COVID-19 коронавирустық инфекциясы кезеңінде ақпаратты нақты уақыт режимінде қолайлы түрде көрсетуге ықпал ететін үлкен деректерді өңдеудің қолда бар ресурстарына талдау жасалды. Денсаулық сақтау ұйымдарына онлайн-бару мақсатында қашықтан қол жеткізуді қамтамасыз ету үшін пандемия жағдайында көмек көрсете алатын үлкен деректер талдауын пайдалана отырып, мобильді қосымша ұсынылды. «Үлкен деректерді» өңдеу нәтижелері қажетті деректерді мүмкіндігінше тезірек алуға, диагнозды дәлірек қоюға, дәрігерлерге ауыртпалықсыз медициналық деректерді тексеруге, сондай-ақ әртүрлі құрылғыларда жүргізілген зерттеулер нәтижелерін ортақ жүйеге біріктіруге мүмкіндік береді. Деректерге қол жеткізу жылдамдығы және оларды өңдеу жылдамдығы Big Data құрамына кіретін технологиялар сапасының маңызды өлшемі болып табылады. Бұл қосымшаға Google Play арқылы қол жеткізу жоспарлануда.