Бұл жұмыста кеуекті ортадағы сұйықтықтың екі фазалы тепе-тең емес ағымы есебіндегі қанықтық теңдеуін шешуге арналған ақырлы айырымды/ақырлы элементтер гибридті әдісі жасалды. Қарастырылып отырған модель С.М. Хассанизаденің тепе-тең емес сұйықтық ағынының моделі және жалпыланған глобальды қысымы негізінде алынды. Теңдеудің гиперболалық сипатына байланысты, оны шешу бірқатар қиындықтарды туғызады және шешу әдісін мұқият таңдауды қажет етеді. Классикалық Галеркин әдісі фазалардың бөліну шекарасында физикалық емес осцилляциялардың пайда болуына әкеледі. Мақалада оларды жою үшін тұрақтандырылған ақырлы элементтер әдістерін қолдану қарастырылады. Тұрақтандырылған үш классикалық әдіс - Петров-Галеркиннің ағынға қарсы әдісі (SUPG), Галеркиннің ең кіші квадраттар әдісі (GLS) және стандартты емес тұрақтандырылған ақырлы элементтер әдісі (USFEM), сонымен қатар бірнеше тұрақтандырушы параметрлер салыстырылады. Аталған әдістер мен тұрақтандыру параметрлерін салыстыру үш есептеу тәжірибесі негізінде жүзеге асырылады.