Қазіргі заманғы мектептің негізгі міндеті - оқушыларды тиісті білім, білік және дағдылардың жиынтығымен
қаруландырып қана қоймай, олардың оқып-білу, топта жұмыс істеуге біліктерін қалыптастыру болып
табылады. Осыған орай, математика сабақтарында интерактивті оқыту әдістерін қолданған дұрыс. Интерактивті
оқытудың ең танымал стратегияларының бірі - шағын топтарда жұмыс жасау. Мақалада интерактивті оқыту
әдістері және оларды орта мектептің жоғары сыныптарында геометрия курсын оқытуда қолдану ерекшеліктері
қарастырылған. «Көпжақтардың қималары» тақырыбын оқытып-үйрету барысында «қателіктер әдісін»
қолдануға мысалдар көрсетілген. Шағын топтарда есептердің қате шешімдерін талқылау кезінде оқушылардың
туындаған мәселелерді шешу дағдылары қалай бекітілетіні көрсетілген.
Мақалада орта мектептің жоғары сыныптарында геометрия курсын оқытудың интерактивті әдістерін
сипаттау бойынша әдістемелік әдебиеттердегі олқылықтар толтырылады.