Интеллектуалды өнеркәсіп секторы заттардың интернетіне негізделген технологияларды кеңінен қолданудың арқасында танымал болды. Технологиядағы революциялық жетістіктер өнеркәсіптік өндірісті қауіпсіз, тиімдірек және сенімдірек етті. Смарт индустриядағы ілгерілеу қажеттілігі сұраныстың өсуіне, өнім сапасына және қауіпсіздік деңгейіне қойылатын талаптарға, сенімділікке және өндіріс процесінде энергияны тұтынудың төмендеуіне, желі жүктемесін, есептеу күрделілігі мен шығындарды азайтуға байланысты. Біздің зерттеу Raspberry Pi құрылғысында сенсор деректерін бақылауға арналған веб-қосымшаны қолдану арқылы осы мәселелерді шешуге бағытталған. Raspberry Pi интернетті пайдаланатын өнеркәсіптік кәсіпорында әртүрлі құрылғылар мен сенсорларды біріктіру үшін үнемді платформа ретінде жұмыс істейтін орталық басқару құрылғысы ретінде пайдаланылады. Біз Internet of Things (IoT) және шеткі есептеу парадигмаларына негізделген өнеркәсіптік өндірісті бақылауға арналған үнемді веб-қосымшаны ұсынамыз. Ұсынылған веб-қосымшасы өндірістің қауіпсіздігі мен сенімділігін қамтамасыз ететін температура мен ылғалдылық көрсеткіштерін қашықтан және автоматты бақылауды қамтамасыз етеді.