Сөйлеу синтезі, оны мәтіннен сөйлеуге (TTS) деп те атайды, сөйлеуді танумен қатар сөйлеуді өңдеудің маңызды міндеттерінің бірі болып саналады. Бұл берілген мәтінді сөйлеуге түрлендіру тәсілі. Сөйлеу синтезінің бірнеше тәсілдері бар. 20 ғасырда бірінші компьютерлік cөйлеу синтезі жүйесі жасалды. Компьютерлік сөйлеу синтезінің алғашқы әдістерінің кейбірі артикуляциялық синтез, формант синтезі және конкатенативті синтез болып табылады. Машиналық оқыту дамыған сайын статистикалық параметрлік сөйлеу синтезі ұсынылды. 2010 жылдардан бастап нейрондық желіге негізделген сөйлеу синтезі біртіндеп танымал бола бастады және сөйлеу сапасын жақсартады. Бұл жұмыстың мақсаты статистикалық параметрлік және түпкілікті әдістерді қарастыру болып табылады, оларды TTS эволюциялық даму желісі ретінде қарастыруға болады. Сонымен қатар, біз Tacotron2 және ParalleWavegan негізіндегі әдіспен тәжірибе жасаймыз. Эксперимент үшін Ахмет Байтұрсынұлының шығармаларынан мәтіндік материалдар жинақталды. Жиналған материалдардан барлығы 50 сағат аудиожазба жазылды. Байтұрсынұлының шығармаларынан алты кітап таңдалып, олардың ішінен ең көп таралған шығармалар таңдалып, аудиомәтіндік материалдарға жинақталды. Бір кәсіби ер диктор жиналған мәтіндік деректерді оқыды.