Мақалада Content and Language Integrated Learning (CLIL) тұжырымдамасын жетілдіру мәселесі қарастырылады. Қазіргі уақытта педагогикалық университеттердің түлектеріне қойылатын талаптардың артуымен және көптілділікке сапалы дайындық жолдарын іздеумен мұғалімдерді кәсіби даярлаудың қолданыстағы тәжірибелерін қайта қарау өзекті болып отыр. Шешімдердің бірі студенттердің ақпараттық- коммуникациялық технологияларды(АКТ)пайдалану негізінде пәннің мазмұнын және шет тілін өзара байланысты зерделеу ретінде CLIL-сабақтарда лингво-ақпараттық құзыреттілігін қалыптастыру болады. Зерттеудің мақсаты CLIL-сабақтарда цифрлық платформаларды пайдаланудың тиімділігін тексеру.

Абай атындағы ҚазҰПУ-да жүргізілген зерттеу қорытындысы бойынша цифрлық платформаларды белсенді пайдалануға, аралас оқытуға негізделген және CLIL пәндік-тілдік интеграцияланған оқыту, коммуникативтік-әрекеттік және құзыреттілік тәсілдеріне негізделген әдіснамалық негізделген білім беру технологиясы ұсынылады. Жұмыста интернет-құралдар сипатталған, оларды CLIL сабақтарында пайдалану аудио немесе видео материалдарды қолдана отырып, зерттелетін ақпаратты танысуға немесе шолуға ғана емес, сонымен қатар шетелдік веб - құралдарды қолдану арқылы мазмұнды кеңейтуге және тереңдетуге ықпал етеді. Осылайша, цифрлық платформалар негізінде дамыған компьютерлік дағдылар мен CLIL технологиясы студенттерге жаңа материалды игеруге көмектеседі.