Дифференциалдық ойындар теориясының пайда болуына әкелген негізгі қолданбалы есептерге мыналар жатады: объектіні басқарудың конфликттік мәселелері; белгісіз кедергілермен басқару мәселелері және толық емес ақпаратпен басқару мәселелері. Ойын теориясындағы тепе-теңдік жағдайларының бар болу шарттары мен аналитикалық механика принциптері арасында байланыс бар. Ойын теориясы экономикалық ғылымдарда өз қолданылуын табады. Осылайша, ойын теориясының көмегімен экономистер стратегиялық өзара әрекеттесу орын алатын барлық жағдайларды модельдейді. Өнеркәсіптік нарық теориясында нарықта біреуден артық фирмалар бар жерлердің барлығында  ойындар пайда болады.

Бұл мақалада тепе-теңдік жағдайының бар болуының жеткілікті шарттары және олардың В.Ф.Кротовтың оңтайлылық принципімен байланысы туралы зерттеулер келтірілген. Бұл оңтайлылық критерийі минимумға жететін функциялардың рұқсат етілген жұбын табудың орнына функциялардың бірін Кротов функциясының аналогы ретінде қарастыруға болатын функциялардың үштігін табудан тұрады. Бұл мақалада дәлелдеу үшін қолданылатын функцияларды белгілі бір жағдайларда Кротов функциясының аналогы ретінде қарастыруға болатынын көрсетілген.