Бұл мақалада «ғадауат» сөзінің мағынасы және оның зерттелу аймақтары қарастырылған.  Сонымен қатар, қолдану және кездесу аймақтарына байланысты олардың жіктелуі көрсетілген. Яғни, ғадауат сөздер құрамына дискриминация (адам құқығын шамадан тыс бейәдеп сөздер арқылы шектеу), қорлау тілі (жағымсыз сөздер арқылы кемсіту, қорлық көрсету), кибербуллинг (интернет желісінде адамды қорлау немесе қудалау),  экстремизм (саяси және діни бағыттағы шектен шыққан жағымсыз пікірмен бөлісу) және радикализм (өмір сүріп отырған саяси ортаны сөзбен сынға алу) кіретіндігі анықталып, қазақ қоғамындағы дискриминация олардың қолданылу аймақтары мен кездесу жолдары баяндалған. Мақалада онлайн контенттегі ғадауат сөздер түрлері мен адамға тигізетін әсері туралы баяндалған. Зерттеу нәтижесінде ғадауат сөздерді қалай анықтауға болатыны және олардан өзін – өзі сақтау іс- әрекеттері көрсетілген. Қазіргі таңда танымал Instagram, Facebook, Twitter сиякты әлеуметтік желілердің желі қолданушыларын басқа аккаунттардан келетін кибербуллингпен күресу жолында көмек көрсете алатын қосымша функциялардың жұмысы баяндалған.