Математика мұғалімінің кәсіби құзыреттілігінің құрылымында «оқытуға арналған математикалық білім» деп аталатын білім ерекше рөл атқарады. Мұндай білім жүйесін, сондай-ақ олармен бірге жүретін дағдыларды қалыптастыруда әдістемелік бағыттағы курстардан басқа мектеп математикасын қайталауға және жүйелеуге бағытталған пәндер үлкен үлес қосады. Мақаланың мақсаты – студенттердің, болашақ математика мұғалімдерінің, элементарлық математиканың білім жүйесін және олардың дидактикалық мазмұнын қалыптастыру құралы ретінде case-study әдісінің тиімділігін өзектендіру. Зерттеу барысында алынған және мақалада көрсетілген теориялық және эмпирикалық мәліметтер мектептің математика мұғалімін жоғары оқу орнында оқытуда кейс-әдісті қолдану элементарлық математика білімін де, мектеп математика мұғаліміне қажет олардың дидактикалық мазмұнын да қалыптастыруға жағдай жасайтындығын дәлелдейді