Мақалада  «Көпжақтар» тақырыбын оқытуда қолданылатын  ақпараттық технологиялар әдістері көрсетілген. Кіріспеде жалпы ақпараттық технологияларды геометрия сабағында пайдаланудың тиімділіктеріне қысқаша шолу жасалды. Ақпараттық технологиялардың «Көпжақтар» тақырыбын оқытудағы тиімді құралдардың түрлері мен қолдану әдістері қарастырылды. Ары қарай «Көпжақтар» тақырыбын оқытудағы GeoGebra бағдарламасының қолданылу тиімділігі жайлы қозғалып, бірнеше есеп мысал ретінде көрсетілді. Есептерде оқушыларға елестетуге қиын тапсырмалар алынды. Геометриялық есептерді шығаруда сызбаның дұрыс салынуы есеп шығарылуының жарты шешімін құрайтыны бұрыннан белгілі. Сызба қадамдары жазылып, келесі тапсырмаларды өз еркімен жасауға мүмкіндік беретіндей ақпараттар берілді. Ақпараттық технологияларды пайдаланудың тімділіктері іс жүзінде көрсетіліп, баланың логикалық ойлауын, елестету қабілетін дамытатындағын көрсетіліп берілді. Сабақ барысында ұялы телефонды тиімді мақсатта пайдалануға болатындығы қарастырылды. Есеп сызбалары тек сілтеме түрінде емес QR  код түрінде ұсынылды. «Көпжақтар» тақырыбын оқытуда тиімді ақпараттық технологияларды пайдалану арқылы оңай, әрі қызық өтуге болатындығы дәлелденді. Ақпараттық технологиялар қатарында GeoGebra-дан өзге бағдарламалар тізімі берілді.