Бұл жұмыстың басты мақсаты оқушыларға алгебра сабағында алған білімдерін сандарды ұтымды квадраттауға қолдана білудің бір әдісін үйрету. Жұмыста кейбір үш және төрт орынды сандарды квадраттаудың жолы қарастырылады. Сондай-ақ, квадраттауға кері амал, егер санның квадраты берілсе, онда санның өзін табудың бір есебі шығарылады. Зерттеу жұмысында қолданылатын зерттеу әдістемесі орта мектептің 7-сыныбында өтетін «қысқаша көбейту формулаларына» негізделеді. Ойын түріндегі ұйымдастырылатын сабақтар оқушылар тарапынан сұранысқа ие екендігі белгілі. Зерттеу нәтижесі бойынша 7-сынып оқушыларына сыныптан тыс сабақтарда ұйымдастырылатын математикалық ойынның жобасы ұсынылады. Сыныптан тыс жұмыстарда математикалық ойындарды  ұйымдастыру арқылы  оқушы бойында ғылыми-зерттеу жұмыстарын жүргізуге деген қасиеттерін дамытып, математикаға қызығушылығын арттыруға болатындығы көрсетіледі