Жұмыста шекті ауысу арқылы Лауричелла жүйелерінен алынған азғындалған жүйелердің қалыпты-регулярлы шешімдерін құру мүмкіндіктері зерттелді. Шешімдері қалыпты-регулярлы шешімдер түрінде болатын жүйелердің бірқатар маңызды ерекше жағдайлары зерттелді. Мұндай қатарлардың кейбір қасиеттері дәлелденді, осы қатарлардың В.И.Художников жаңадан енгізілген функцияларымен байланысы орнатылды. Сондай-ақ, екі немесе одан да көп теңдеулерден тұратын Горн типті жүйелердің қалыпты-регулярлы шешімдерінің болуы үшін қажетті шарттары орнатылған. Тұрғызылған жаңа шешімдер белгілі Горн және екі айнымалылы Гумберт функцияларының жалпылауы болып табылады. Жүйенің қалыпты-регулярлы шешімдері бар болуының қажетті және жеткілікті шарттары ранг және антиранг ұғымдары арқылы орнатылады. Шешімді құру үшін модификацияланған Фробениус-Латышева әдісі қолданылады.