Зерттеудің өзектілігі педагогикалық, медициналық, психологиялық және ата-аналар қауымдастығының қоғамның ауқымды цифрлық трансформациясы жағдайында мектептегі білім беру қауіпсіздігі мәселелеріне қызығушылығының артуына байланысты. Бұл тұрғыда виртуалды шынайылықтың оқушылардың физикалық және психологиялық денсаулығына әсерін зерттеу виртуалды шынайылық саласындағы маңызды бағыттардың бірі болып табылады. Мақалада виртуалды шынайылыққа ену кезіндегі 5-11 сынып оқушыларының мінез-құлқы мен жалпы физикалық жағдайын эмпирикалық зерттеудің кейбір нәтижелері келтірілген. Нәтижелер білім беруде, оның ішінде жалпы білім беретін мектепте виртуалды шынайылықты пайдаланудағы ықтимал тәуекелдерді анықтауға және оның алдын-алуға ықпал етеді деп болжануда.