Көпкомпонентті газ диффузиясын бинарлы диффузиядан ажырататын бірқатар әсерлер бар. Қолданыстағы жұмыстар көрсеткендей, конвективті орнықсыздық диффузия коэффициенттері мен геометриялық және жылуфизикалық қасиеттері ерекшеленетін кейбір жүйелерде дамуы мүмкін. Орнықтылықты талдауды қолдана отырып, диффузиялық күйден конвективті күйге ауысуға болатын параметрлер ауқымын анықтауға болады. Алайда, бұл әдіс үшкомпонентті жүйелердегі конвективті ағындардың дамуын сипаттау және диффузиялық канал өлшемдерінің концентрация-гравитациялық конвекцияның пайда болуына әсерін бағалау үшін процестің динамикасын қарастыруға мүмкіндік бермейді. Жұмыста конвективті ағындардың пайда болуын сипаттау үшін физикалық параметрлер бойынша бөлу әдісін жүзеге асыратын математикалық модельді қолдану қарастырылған. Уақыттың әртүрлі мәндерінде ең үлкен молекулалық массаға ие газ  концентрациясының өрістері сандық есептеледі.