Мектеп қабырғасынан бастап жоғарғы білімге дейін білім беру жүйесі дәстүрлі педагогикалық әдістерге қосымша жаңа технологияларды енгізудің ұзақ тарихына ие. Күннен – күнге өзгеріп отырған технологияларды оқушылар мен студенттер, тіпті мұғалімдер, ноутбуктер мен смарт – тақталар және тағы да басқа жаңа технологияларды өздігінен оқып үйренгендері де белгілі. Виртуалды және толықтырылған шындық технологияларын білім беру жүйесінде, әсіресе бастауыш сыныптарда қолдану оқушылардың қызығушылығының арттыруына және көп уақыт бойы келе жатқан классикалық әдістерге түбегейлі өзгерістер әкеледі. Мақалада  екінші сынып оқушыларының «Цифрлық сауаттылық» пәні бойынша білім, білік, дағдысын мен білім алуға қызығушылығын арттыру мақсатында барлық бөлімдерін қамтитын толықтырылған және виртуалды шындық технологиялары қолданылған жұмыс дәптері жайлы қарастырылды. Соның ішінде «Компьютердің құрылғылары» тақырыбын оқушылар 3D обьектілермен қоса Oculus Quest виртуалды көзілдірігінің көмегімен виртуалды сахнада жұмыс үстелде компьютердің құрылғыларымен танысып, сол компьютердегі видеобейнені де көре алады.   Жаңа технологиялар қолданылған жұмыс дәптерін эксперимент ретінде Қостанай облысы Қостанай ауданындағы жалпы білім беретін екі қазақ мектебінде өткізілді. Сонымен қоса, Virtual Reality (VR) және Augmented Reality (AR) технологияларын оқу процессінде қолданылуының практикалық мысалы да қарастырылып, тиімділігі анықталды.