Қоғамды ақпараттандыру жағдайында білім беру процесінде ақпараттық және коммуникациялық технологияларды қолдануға көп көңіл бөлінеді. Ақпараттық қоғамның жас буыны - экрандық динамикалық ақпарат адамдары. Олар монитор, проектор немесе теледидар экранындағы ақпаратты баспа, кітап ақпаратынан әлдеқайда жақсы қабылдайды. Оқу үрдісінде ақпараттық технологияларды қолдану сабақты өткізу сапасын жақсартуға, мәселемен қызықтыруға, сонымен қатар, өзгеше қабылданбайтын құбылыстарды көрнекі түрде көрсете отырып, материалды визуализациялауға мүмкіндік береді. Қазіргі заманғы техникалық-бағдарламалық құралдар шынайылыққа барынша жақын объектілер мен процестердің оқу үлгілерін жасауға және пайдалануға мүмкіндік береді. Графикалық және дыбыстық ақпараттың үйлесуі көру және есту - екі маңызды сезім органына әсерін қамтамасыз етеді, бұл оқу процесінің ақпараттылығын және оны қабылдау тиімділігін айтарлықтай арттырады. Мақала шеңберінде ұсынылған компьютерлік модельдер физика-техникалық бағыттағы элективті курстар мен факультативтерді өткізу үшін ЖОО-ның оқу үрдісінде қолданылуы мүмкін.