Бұл зерттеуде Навье-Стокс теңдеулері үшін "ірі бөлшектер" типті айырымдық әдістерінің тұрақтылығы мәселесі талданады. Физикалық процестер бойынша үш сатылы бөлу схемасы түрінде өзгертілген тәсіл ұсынылды, ол бірінші және екінші кезеңдерде айқые емес айырымдық схемаларын қолданудың классикалық схемасынан ерекшеленеді. Бұл тәсіл сандық есептеу жағынан іске асырылу үшін тиімді және тізбектің тұрақтылығын қамтамасыз ететін жылдамдық векторы мен қысым градиентінің екінші туындысының априорлық бағалауын қамтамасыз етеді. Ұсынылған схеманың тұрақтылығынының бағалауы алынды, сәйкес теорема тұжырымдалды. Зерттеу нәтижелері әртүрлі физикалық процестерді дәлірек сандық модельдеу үшін ұсынылған тәсілдің маңыздылығын көрсетеді. Навье-Стокс теңдеулеріне арналған физикалық процестерді бөлудің қарастырылған модификацияланған схемасын әртүрлі есептеу эксперименттері үшін және физикалық процестерді модельдеу үшін қолдануға болады.