Мақалада білім беруде жасанды интеллект (AI) технологияларын қолдану, Қазақстаннан және шетелден мысалдар келтіру, олардың осы саладағы әлеуеті мен перспективаларын талқылау қарастырылған. Онда жоғары оқу орындарында жасанды интеллектті енгізудің стратегиялық моделі, оның ішінде жоспарлау, енгізу және тиімділікті бағалау көрсетілген. Зерттеу барысында республиканың қызығушылығы мен жоғары білім берудегі озық технологиялардың сәтті интеграциялануының арқасында қазақстандық жоғары оқу орындарында жасанды интеллектті енгізудің оң тенденциялары атап өтілді. І. Жансүгіров атындағы Жетісу университетінің "Информатика" және "Математика-Информатика" бағдарламаларының оқытушылары арасында жүргізілген сауалнама AI-дің білім беруде қолданылуын бағалап, оны қолдануға кедергі келтіретін факторларды анықтады. Зерттеу информатика мұғалімдерін даярлауға жасанды интеллект элементтерін енгізу кезеңдерін негіздеді, білім беру сапасының жақсарғанын және оқушылардың оқуға және ғылыми зерттеулерге деген ынтасын көрсетті.