Эволюциялық жүйелердің әртүрлі кластары үшін дерлік периодты шешімдердің болуы тербеліс теориясында маңызды мәселе болып табылады. Мысалы, метрикалық кеңістіктегі мәндері бар дерлік периодты шешімдердің болуы туралы мәселе қарапайым дерлік периодты дифференциалдық теңдеулер теориясының шеңберінде қарастырылады. Дерлік периодты, сонымен қатар бір өлшемді және көп өлшемді периодтық тербелістерді зерттеу ерекше үлкен маңызға ие. Механикадағы, физикадағы және техникадағы көптеген мәселелерді қарастырғанда қарапайым және дербес туындылары бар эволюциялық теңдеулердің осындай тербелмелі шешімдерін зерттеуге тура  келеді. Қарастырылып отырған жұмыста тәуелсіз айнымалылар арқылы  қысқарту әдісін қолдану және негізгі қысқартылған жүйелердің дерлік көппериодты шешімдерінің ауытқуларының тиімді бағасын алу зерттелген. Бірінші ретті эволюциялық теңдеулердің дерлік көппериодты шешімдерінің бар болуы мен жалғыздығы үшін жеткілікті шарттарды құру қарастырылған