Мақалада программалаудан студенттердің білімін бақылау тек теориялық білім деңгейін ғана емес, сонымен қатар студенттің практикалық дағдыларын, алгоритмдік ойлау қабілетін және программалау шешімдерінің тиімділігін бағалауға бағытталған деңгейлік тапсырмалар жүйесі қарастырылады, Сонымен қатар, бағалау критерийлерін құрастыруда GenAI (Generative Artificial Intelligence) технологиясының мүмкіндіктері жан-жақты сараланады. Зерттеу барысында репродуктивті, конструктивті және зерттеу сипатындағы тапсырмаларды бағалауға бағытталған объективті және бейімделген критерийлер жүйесін GenAI негізінде жасаудың жолдары ұсынылады. GenAI құралдары кодты автоматты тексеру, логикалық құрылымдарды сараптау, тест тапсырмаларын генерациялау және бағалау нәтижелерін талдауда тиімділік танытады. Сонымен қатар, оқытушының кәсіби рөлі бағалау мазмұнын анықтауда, GenAI ұсынған ұсыныстарды бейімдеуде және білім алушының даму деңгейіне сәйкес келетін шешім қабылдауда маңызды екені дәлелденді. Мақалада программалаудан деңгейлік тапсырмаларды бағалау критерийлері ұсынылып, GenAI технологиясы арқылы программалау білімін бағалаудың заманауи әдістемелік қырлары мен болашағы негізделеді.