Мақалада сөйлеу қабілеті нашар дамыған балалардың тілдік және когнитивті дағдыларын дамытуға арналған робототехниканы қолдану әдістемесі қарастырылады. Зерттеу мақсаты – робототехниканы арнайы және инклюзивті білім беру жүйесіне енгізу арқылы балалардың тілдік мүмкіндіктерін кеңейту және олардың оқу жетістіктері мен әлеуметтік бейімделу деңгейін арттыру. Зерттеу барысында теориялық, эксперименттік және бағдарламалық әдістер қолданылды. Нәтижесінде сөйлеу қабілеті төмен балаларға арналған оқыту моделі жасалды. Сонымен қатар, арнайы білім беру мекемелеріне арналған әдістемелік ұсыныстар әзірленді және «Edurobo» оқыту платформасы жасалды. Зерттеу қорытындылары Қазақстандағы инклюзивті білім беруді дамытуға және ерекше білім беру қажеттіліктері бар балаларға сапалы қолдау көрсетуге бағытталған.