Мақалада ХХ ғасырдың басындағы көрнекті ағартушы, қоғам және мемлекет қайраткері Міржақып Дулатовтың әдістемелік-математикалық мұралары талданады. Автордың қазақ тілінде алғаш рет жарық көрген «Есеп құралы» оқулықтарының мазмұны, құрылымы және ерекшеліктері зерттеліп, олардың Қазақстандағы математикалық білім берудің дамуына қосқан үлесі айқындалады. Мақалада М.Дулатовтың 1914–1928 жылдары жарық көрген екі түрлі «Есеп құралдарының» салыстырмалы талдауы жасалып, олардың әрқайсысының педагогикалық, әдістемелік және тілдік ерекшеліктері ашып көрсетіледі. Сондай-ақ, қазақ мектебінде арифметиканы оқыту жүйесінің қалыптасуы мен пәнаралық байланыстарды орнатудағы М.Дулатовтың жаңашыл идеялары қарастырылған. Зерттеу нәтижесінде М.Дулатовтың еңбектері қазіргі қазақ мектебі үшін өзектілігін сақтап отырғаны дәлелденеді.