Соңғы онжылдықта кәсіпорындардың деректерінің өсу қарқыны айтарлықтай біліне бастады. Зерттеулер көрсеткендей, соңғы екі онжылдықта мәліметтер саны әр екі жыл сайын он есеге көбейіп, процессорлардың қуатын екі есе арттыратын Мур заңынан да асып түсті. Әр секунд сайын шамамен отыз мың гигабайт деректер жинақталады және оларды өңдеу тиімділігін арттыруды қажеттілігі туындады. Әлеуметтік желілерде қолданушылардан бейнелерді, фотосуреттер мен хаттарды жүктеу көптеген деректердің, соның ішінде құрылымданбаған деректердің жиналуына әкеледі. Бұл кәсіпорындардың әр түрлі форматтағы үлкен деректермен жұмыс жасау қажеттілігіне әкеледі, оларды модельдеу мен есептеу нәтижелерін алу үшін одан әрі жұмыс істеу үшін белгілі бір жолмен дайындау керек. Жоғарыда айтылғандарға байланысты мақалада ірі кәсіпорын деректерін өңдеу және сақтау, модель мен алгоритмдер құру, сондай-ақ жаңа технологияларды қолдану бойынша жүргізілген зерттеулердің өзектілігі зерттелген. Жыл сайын кәсіпорындардың ақпараттық ағындары арта түсетіні сөзсіз, осыған байланысты үлкен көлемдегі деректерді сақтау және өңдеу мәселелерін шешу маңызды. Мақаланың өзектілігі цифрландырудың өсуіне, қазіргі қоғамның көптеген салалары кәсіби қызметтердің онлайн режимге ауысуына байланысты болып отыр. Мақалада осы жаңа технологияларға кеңінен зерттеулер жүргізілген.