Жаһандық пандемия жағдайында Қазақстан мектептерінің ақпараттық технологияларды пайдалана отырып, білім берудің дербестендірілген форматына көшу мәселесі өзекті болып табылады және мұқият зерттеуді қажет етеді. Бұл зерттеу дарынды оқушыларға арналған мамандандырылған мектептерде дербестендірілген оқытуды тиімді жүзеге асыруға ықпал ететін факторларды анықтауға бағытталған. Әдіс ретінде біз логикалық құрылымдық тәсіл шеңберінде мүдделі тараптардың нақты уақыт режиміндегі сауалнамасын таңдадық. Мәліметтерді өңдеу MS Forms бағдарламалық қосымшасының көмегімен жүзеге асырылды. Сауалнамалар мектептерде дербестендірілген оқытуды енгізудің нақты мәселелерін растау үшін оқушылардың, ата-аналар мен мұғалімдердің пікірлерін алуға бағытталған. Зерттеу нәтижелері мектептердің білім беру үдерісінде бағдарламалық қамтамасыз етуді енгізуге ықпал ететін негізгі бес факторды анықтауға мүмкіндік берді және дербестендірілген оқытуға көшудің жобалау жүйесін әзірлеу процесінде ескерілуі мүмкін.