Смарт құрылғылардағы интерфейстік технологиялардың дамуымен дауыстық көмекшілер тез танымал болды. Бұл көмекшілер адамдармен ыңғайлы әрекеттесу үшін дауыстық пәрмендерді пайдалануға арналған. Осыған байланысты нейрондық желілерге негізделген дауыстық көмекшіні енгізу әдістерінің бірі ұсынылды. Дауыстық көмекші құрудың негізгі кезеңдерін жүзеге асыру әдістері зерттелді. Мақалада үйірткілі нейрондық желіге негізделген модельді тестілеу нәтижелері берілген. Сөйлеу пәрмені ретінде мына сөздер таңдалды: yes, no, up, down, right, left, go, stop. Бұл модель 86,63% дәлдікпен 8 сөйлеу пәрменін жіктейді. Нейрондық желі моделі ең жақсы жіктелген командалар: yes, up, down, right, left, stop. Go командасының дәлдігі 66,67%, ал no - 76,4%, бұл down, go, no сөздерінің ұқсас дыбысталуына байланысты.