Кәсіби-бағытталған құзыреттілік студенттердің кәсіби құзыреттілігінің маңызды құраушыларының бірі
болып табылады. Қазіргі таңда, кәсіби қызметін шет тілінде жүзеге асыру үшін шет тілін жеткілікті дәрежеде
білетін мамандарға сұраныс жоғары. Осы тұрғыда тілдік емес мамандық студенттерінің осындай
құзыреттіліктерін қалыптастыруға ерекше назар аударылуы керек. Зерттеу тілдік емес мамандық студенттерінің
кәсіби-бағытталған құзыреттілігін қалыптастырудың тиімді жолдарын қарастыруға бағытталған. Осындай
жолдардың бірі Кәсіби-бағытталған шет тілі оқу курсын оқыту барысында заманауи сандық технологияларды,
оның ішінде Web 2.0 технологиясын қолдану болып табылады. Зерттеу әдістерін зерттеу тақырыбы бойынша
өзекті әдебиеттерге шолу және сауалнама құрайды.
Зерттеу нәтижелері студенттердің курсты оқу барысында сандық технологиялардың қолданылуын өте жоғары
бағалайтындықтарын және курстың тәжірибеге-бағытталғандығын көрсетті. Зерттеу тілдік емес студенттердің
кәсіби-бағытталған құзыреттілігін табысты қалыптастыру үшін сандық технологияларды тиімді қолдануды
ұсынады.