Мақалада сұйықтықтың ішкі тұтқырлық коэффициентін зерттеу арқылы білім алушылардың зерттеу құзыреттілігін қалыптастыру әдістемесінің мақсаттары мен міндеттері қарастырылған. Зерттеу нәтижелері пәндік зерттеу құзыреттілігінің компоненттері мен негізгі құрылымдық элементтерін (білім алушылардың зерттеу іс-әрекетін ұйымдастыру кезеңдеріне сүйене отырып ғылыми-зерттеу жобасын орындау логикасына негізделген зерттеу жұмыстарын орындауға дайындығы мен қабілеті) анықтауға мүмкіндік берді. Авторлар осы ұғымның кең ой-өрісі, арнайы құзыреттілігі, ақпараттық және коммуникациялық қызметтің ұтымды стилі бар болашақ мамандардың тұлғалық білім алуына байланысты негізгі құрамдас бөліктерін ашып көрсетті. Бұл құзыреттілікті қалыптастыруды практикалық іске асыру педагогикалық жоғары оқу орнының білім беру тәжірибесінің өзекті мәселелерінің бірі болып табылады, өйткені оның нәтижелері студент жастардың танымдық іс-әрекетінің ақпараттық және коммуникациялық мүмкіндіктері туралы заманауи түсініктерді тереңдете түседі, кеңейтеді және нақтылайды.