Мақалада цифрлық алшақтық мәселесі және  оны жеңудің бірқатар тәсілдері қарастырылған. Цифрлық алшақтықты жою білім беруді дамытпай мүмкін емес. Сауатсыздықты еңсеру және халықты ақпараттық-коммуникациялық технологияларды пайдалану дағдыларына үйрету, компьютерлік сауаттылыққа үйрету цифрлық алшақтықты еңсеру жолындағы маңызды шаралар болып табылады. Цифрлық алшақтықты жоюдың бір құралы – цифрлық білім беру ресурстарын дамыту болып табылады. Цифрлық білім беру ресурстарын оқытуда қолдану сабақтың мүмкіндіктерін кеңейтуге, сонымен қатар оның тиімділігін арттыруға мүмкіндік береді. Цифрлық түрде ұсынылған оқу материалдары оларды сабақтың әртүрлі кезеңдерінде қиындықсыз пайдалануға және сабақтың қойылған міндеттерін шешуге мүмкіндік беретіндігі жайлы баяндалған. Қазіргі заманғы ақпараттық-коммуникациялық технологияларға негізделген жаңа білім беру технологияларын қолдану осы елдердегі цифрлық алшақтықты азайтуға ықпал етуі мүмкін.