Мақалада уақыт факторының маңыздылығының артуына байланысты несие қабілеттілігін бағалаудың автоматтандырылған әдістері қазіргі уақытта барған сайын маңызды болып отырғаны көрсетілген. Несиені бағалау банктер несиені басқару шешімдерін қабылдаған кездегі маңызды үдерістердің бірі болып саналады. Жаппай тұтынушылық несиелендіру кезінде, іс жүзінде әлеуетті қарыз алушының қатысуымен несие беру туралы шешім қабылдау қажет болады. Несиелендіру нарығындағы табысты жұмыс істеу үшін сенімсіз қарыз алушыларды алдын ала кесіп тастауға және сенімді қарыз алушылардан бас тартпауға, тұтыну несиесінің сомасын немесе несие картасының лимитін негізді анықтауға мүмкіндік беретін тәуекелді бағалаудың тиімді жүйесі қажет. Бұл жүйе банк үшін қауіпсіздік маржасын құруы керек. Контрагенттің несиелік қабілетін бағалаудың автоматтандырылған әдістерінің бірі баллдық әдіс болып табылады.